2026-жылдын 21-февралында Кадамжай районунун аймагында массалык түрдө ишембилик өткөрүлдү.

Ага район аймагындагы мекеме-ишканалардын кызматкерлери, жергиликтүү өз алдынча башкаруу органдарынын өкүлдөрү жана жергиликтүү тургундар активдүү катышты.

Ишембиликтин жүрүшүндө көчөлөр, коомдук жайлар жана мекемелердин айланасы тазаланып, аймакты көрктөндүрүү иштери жүргүзүлдү.

Бул иш-чара район аймагында тазалыкты сактоого жана экологиялык абалды жакшыртууга багытталды.