🏥 Кадамжай районунда саламаттык сактоо маселелери боюнча координациялык комиссиянын кезектеги отуруму өттү

2026-жылдын 17-августунда Кадамжай райондук мамлекеттик администрациясынын жыйындар залында райондун калкынын саламаттыгын сактоо маселелери боюнча координациялык комиссиянын кезектеги отуруму болуп өттү.

Отурумдун жүрүшүндө район аймагындагы санитардык-эпидемиологиялык абал, оорулардын алдын алуу жана калктын ден соолугун чыңдоо багытында аткарылып жаткан иштер тууралуу тиешелүү адистердин маалыматтары угулду.

Жыйында төмөнкү маселелер талкууланды:

ичүүчү суунун санитардык-гигиеналык абалы жана калкты коопсуз суу менен камсыз кылуу;

соода-сатык жайларындагы жана базарлардагы коомдук тамактануу объектилеринин санитардык абалы;

кургак учук оорусунун алдын алуу боюнча жүргүзүлүп жаткан иштер;

эне менен ымыркайдын өлүмүнүн алдын алуу боюнча аткарылып жаткан иштер;

эмдөөдөн баш тарткан жарандар арасында түшүндүрүү иштеринин жүрүшү;

кутурма, бруцеллез, сибирь жарасы, эхинококкоз жана альвеококкоз ооруларынын алдын алуу;

ичеги-карын жугуштуу ооруларынын алдын алуу боюнча жүргүзүлүп жаткан иштер.

Талкуунун жыйынтыгында оорулардын алдын алуу, эне менен ымыркайдын коопсуздугун камсыз кылуу, профилактикалык жана түшүндүрүү иштерин күчөтүү боюнча тиешелүү чечимдер кабыл алынды.

Калктын саламаттыгын сактоо – биргелешкен жоопкерчилик!