2025-жылдын 18-августунда Кадамжай районунун мамлекеттик администрациясынын башчысы-аким Б.Баяке уулунун жетекчилиги астында онлайн жыйын болуп өттү

Жыйынга район аймагындагы бардык мекеме-ишканалардын жетекчилери, жергиликтүү өз алдынча башкаруу органдарынын башчылары катышышты.

Онлайн жыйында төмөнкү маселелер каралды:

1. Кадамжай районунун мамлекеттик администрациясы тарабынан комиссия түзүлүп, 2025-2026-жылдардын күз-кыш мезгилине карата тиешелүү даярдыктар көрүлүп жататканы боюнча.

2. Кыргыз Республикасынын Эгемендүүлүк күнүн белгилөөгө даярдык (31-август) – район аймагында өткөрүлө турган маданий иш-чаралар, коомдук тартипти сактоо боюнча.

3. Окуу жылына карата билим берүү мекемелеринин даярдыктары.

Ошондой эле жыйында район аймагындагы курулуштар жана социалдык-экономикалык мааниси бар маселелер да көтөрүлүп, тиешелүү жетекчилерге тапшырмалар берилди.

Аким Б.Баяке уулу бардык жетекчилерди жогорудагы багыттар боюнча ишти күчөтүүгө жана ар бир маселеге өзгөчө көңүл бурууга чакырып, конкреттүү аткаруу мөөнөттөрүн белгилеп өттү.