2025-жылдын 23-августунда 31-Август – Кыргыз Республикасынын Эгемендүүлүк күнүнө карата Кадамжай районунда ишембилик өткөрүлдү.

Ишембиликке мамлекеттик жана муниципалдык мекеме-ишканалардын кызматкерлери, жана жергиликтүү тургундар жигердүү катышышты. Район аймагындагы коомдук жайлар, көчөлөр, сейил бактар жана эс алуу аянттары тазаланып, бак-дарактардын түптөрү жумшартылып, айлана-чөйрө иретке келтирилди. Мындан сырткары, таштандылар чыгарылып, көрктөндүрүү иштери да жүргүзүлдү.

Ишембилик район аймагында бирдиктүү түрдө уюштурулуп, жарандардын жигердүү катышуусу менен өттү. Бул иш-чара Эгемендүүлүк күнүнө карата районду көрктөндүрүүгө жана таза экологиялык чөйрө түзүүгө багытталды.

Жетекчилик ишембиликке болгон активдүү мамиле коомдук биримдиктин көрсөткүчү экенин белгилеп, демилгени мындан ары да улантуу зарылдыгын эске салды.