2026-жылдын 22-августунда Кадамжай районунун аймагында айлана чөйрөнү санитардык жактан тазалоо максатында ишембилик өткөрүлдү.

Ишембиликтин жүрүшүндө район аймагындагы мекеме-ишканалардын айланалары, көчөлөр жана негизги унаа жолдорунун жээктери тазаланып санитардык тазалоо иштери жүргүзүлдү.

Ишембилике район аймагындагы мекеме-ишканалар, жергиликтүү өз алдынча башкаруу органдарынын кызматерлери, айыл аймактарда түзүлгөн муниципалдык ишкана кызматкерлери активдүү катышып, райондун тазалыгын сактоого, иретке келтирүүдө өз салымдарын кошушту.

Урматтуу Кадамжай районунун тургундары!

Баарыңыздарды районубуздун тазалыгын сактоого жана ага өз салымыңызды кошууга чакырабыз!

Таштандыларды атайын таштанды урналарына таштайлы.

Жаратылышка аяр мамиле кылып, айлана-чөйрөбүздү таза сактайлы.

Тазалык — ар бирибизден башталат! Таза район — ден соолукка жана жакшы жашоого өбөлгө түзөт.