Кадамжай районунда “Достук, ынтымак жана кызматташтык” аттуу эл аралык туристтик форум өткөрүлдү. Иш-чарага Тажикстан жана Өзбекстан өкүлдөрү, жергиликтүү жетекчилер жана тургундар катышты.

Форумдун максаты — достукту бекемдөө, туризмди өнүктүрүү жана аймактар аралык кызматташтыкты чыңдоо болду. Анын алкагында концерттик программа, кол өнөрчүлөрдүн көргөзмөсү жана улуттук тамак-аштардын жарманкеси уюштурулду.

Иш-чара элдердин ынтымагын бекемдеп, туризмди өнүктүрүүгө багытталган маанилүү аянтча катары бааланды.