Кадамжай районунун аймагында жалпы ишембилик өткөрүлдү.

Бүгүн, 2026-жылдын 15-августунда, Кыргыз Республикасынын Президентинин Администрациясынын тиешелүү тапшырмаларынын негизинде Кадамжай районунун аймагында жалпы ишембилик өткөрүлдү.

Ишембиликтин жүрүшүндө район аймагындагы мекеме-ишканалардын айланалары, көчөлөр жана негизги унаа жолдорунун жээктери тазаланып, көрктөндүрүү жана санитардык тазалык иштери жүргүзүлдү.

Иш-чарага мамлекеттик жана муниципалдык мекемелердин кызматкерлери, айыл аймактардын өкүлдөрү жана жергиликтүү тургундар активдүү катышышты.

Тазалыкты сактоо, айлана-чөйрөгө аяр мамиле кылуу жана коомдук жайларды таза кармоо — ар бир жарандын жоопкерчилиги.