Кыргыз Республикасынын Мамлекеттик Эгемендүүлүгүнүн 34 жылдыгына арналган майрамдык иш-чараларга даярдык көрүү максатында жыйын болуп өттү.

Бүгүн, 2025-жылдын 26-августунда, Кадамжай районунун мамлекеттик администрациясынын кичи жыйындар залында Кыргыз Республикасынын Мамлекеттик Эгемендүүлүгүнүн 34 жылдыгына арналган майрамдык иш-чараларга даярдык көрүү максатында жыйын болуп өттү.

Жыйынга Кадамжай районунун акими Б.Баяке уулу, акимдин орун басары М.Айтматов, Кадамжай шаарынын мэри А.Мурзажанов, район аймагындагы мамлекеттик жана муниципалдык мекеме-ишканалардын жетекчилери катышты.

Жыйында Эгемендүүлүк күнүн татыктуу белгилөө, коопсуздукту камсыз кылуу, маданий-массалык иш-чараларды уюштуруу, ошондой эле район аймагын тазалоо жана көрктөндүрүү боюнча тапшырмалар берилип, тиешелүү органдарга милдеттер жүктөлдү.

Иш-чара соңунда аким Б.Баяке уулу майрамдык күнгө карата бардык иштер жогорку деңгээлде уюштурулушу керектигин баса белгилеп, жарандардын коопсуздугун жана салтанаттын маанилүүлүгүн эске алуу менен ар бир жетекчи өзүнө тиешелүү жоопкерчиликти так аткарууга тийиш экендигин белгиледи.