Кыргыз Республикасынын Президентинин 2026-жылдын 24-июнундагы №233 Жарлыгын түшүндүрүү боюнча жыйын өткөрүлдү

Бүгүн Кыргыз Республикасынын Президентинин 2026-жылдын 24-июнундагы №233 «Кыргыз Республикасынын аймагында жүргөн чет өлкөлүк жарандардын жана жарандыгы жок адамдардын укуктук абалын жөнгө салуу боюнча чаралар жөнүндө» Жарлыгын ишке ашыруу жана анын талаптарын түшүндүрүү максатында жыйын өткөрүлдү.

Жыйынга акимдин биринчи орун басары А. Акматов, Баткен облустук ички иштер башкармалыгынын өкүлдөрү, айыл өкмөттөрүнүн башчылары, Кыргыз Республикасынын аймагында жүргөн чет өлкөлүк жарандар жана жеке ишкерлер катышты.

Жыйындын жүрүшүндө Президенттин Жарлыгынын негизги талаптары, чет өлкөлүк жарандардын жана жарандыгы жок адамдардын Кыргыз Республикасынын аймагында болуусунун укуктук негиздери, миграциялык мыйзамдардын талаптарын сактоо, каттоо жана тиешелүү документтерди мыйзам талаптарына ылайык тариздөө маселелери кеңири түшүндүрүлдү.