Үч-Коргон ЖДПБнын 2025-жылдагы ишмердүүлүгүнүн жыйынтыгы чыгарылды

Үч-Коргон жалпы дарыгерлер практикалык борборунун 2025-жылдагы ишмердүүлүгүнүн жыйынтыгын чыгарууга арналган жыйын Үч-Коргон маданият үйүндө өткөрүлдү.

Жыйынга Кадамжай райондук мамлекеттик администрациясынын башчысы – акимдин орун басары М. Айтматов катышып, медициналык кызматкерлерди жоопкерчиликтүү жана талыкпаган эмгеги үчүн куттуктап, калкка сапаттуу медициналык жардам көрсөтүү багытындагы иштерине ийгиликтерди каалады.

Иш-чаранын жүрүшүндө жыл ичинде аткарылган иштер, жетишкен ийгиликтер жана алдыда турган милдеттер кеңири талкууланды.

Ошондой эле өз ишинде өзгөчөлөнгөн мыкты кызматкерлерге ыраазычылык билдирилип, сыйлыктар тапшырылды.

Жыйында саламаттык сактоо кызматын мындан ары да жакшыртуу, медициналык тейлөөнүн сапатын жогорулатуу боюнча алдыдагы пландар белгиленди.